बेलायतय् मध्यावधि चुनाव नं अस्वीकृत

बेलायत युरोपेली संघं बिना सहमति पिहां वयेगु प्रस्ताव संसदं अस्वीकृति यायेवं प्रधानमन्त्री बोरिस जोन्सनं ई स्वयां न्ह्यव हे आमनिर्वाचन यायेगु निंतिं हःगु प्रस्ताव नं संसदं अस्वीकृत याःगु दु । बुधवाः हाउस अफ कमन्सय् जूगु मतदानय् निर्वाचनया पक्षय् आवश्यक दुईतिहाइ मत हयेत प्रधानमन्त्री असफल जूगु खः ।

निर्वाचनयात कयाः हःगु प्रस्ताव नं असफल जुइवं प्रधानमन्त्री जोन्सन तच्वःगु दबाबय् लाःगु दु । बुधवाः जूगु मतदानय् निर्वाचनया पक्षय् २९८ व विपक्षय् ५६ मत कुहांवंगु खः । तर सरकारयात प्रधानमन्त्री जोनसनं हःगु प्रस्ताव कथं अक्टोवर १५ तारिखय् मध्यावधि चुनाव याकेगु खःसा ४३४ मत हयेमाः ।

मेखे सांसदतय्सं थ्वयां न्ह्यः प्रधानमन्त्रीया इच्छा विपरीत दुगु ब्रेक्जिटया ज्याझ्वः लिछ्यायेफइगु विधयेक धाःसा पारित याःगु खः । बुधवाः हे जूगु मतदानय् थुकी धाःसा पक्षय् ३३० मत कुतुं वंगु खःसा विपक्षय् ३०० मत कुहांवंगु खः । प्रधानमन्त्री जोनसनं थ्व विधेयकयात धाःसा ‘आत्मसमर्पण याकीगु विधेयक’ धकाः आलोचना याःगु दु । न्हापा क्वःछिनातःगु ई कथं धाःसा बेलायतं अक्टोवर ३१ तारिखय् युरोपेली संघ त्वःतेमाः ।

सम्बन्धित बुखँ

LEAVE YOUR COMMENTS