कोप अमेरिका कप ब्राजिलयात

म्यानचेस्टर सिटीया ग्राबियल जिससं छगू गोल यासें मेगु गोलयात मिले यानाबीवं ब्राजिलं कोपा अमेरिका कप त्याकूगु दु । पेरुयात ३–१ गोलं बुकाः ब्राजिलं झिंनिदँ लिपा न्हापांखुसी कोपा अमेरिका कप त्याकूगु खः । ब्राजिलया थ्व गुंगूगु कोपा अमेरिका कप उपाधी खः । थुकिया लिसें ब्राजिलं थःगु देशय् जूगु कोपा अमेरिकाया फुक्कं धेंधेंबल्लाखय् उपाधी त्याकाः कीर्तिमानी नं तःगु दु ।

न्हापांगु हाफया इन्जुरी इलय् गोल याःम्ह जिससं थ्वयां न्ह्यव कासाया १५ औं मिनेटय् न्हापांगु गोल यायेत सोउसा सुआरेसया निंतिं बल मिले यानाबिउगु खः । छगू गोल नयेधुंकाः पेरुया पाओलो गुइरेरों ४४ मिनेटय् गोल यासें कासा बराबरीइ ला हःगु खःसा तर थ्वयां प्यंगू मिनेट लिपा हे जेससं ब्राजिलया निंतिं गोल याःगु खः ।

कासाया ९० औं मिनेटय् ब्राजिलया निंतिं रिचार्लेसनं पेनाल्टिपाखें थप छगू गोल याःगु खः । थ्व न्ह्यव ७० औं मिनेटय् निगूगु म्हासुगु कार्ड नयाः जेसस मैदानं पिहां वनेमाःगु खः ।

सम्बन्धित बुखँ

LEAVE YOUR COMMENTS