ने. सं. ११४६ दिल्लाथ्व दुतिया - जगन्नाथ रथयात्रा

सम्पत्ति छानविन मयायेत अन्तरिम आदेश

येँ (नेपालभाषा टाइम्स) – सर्वोच्च अदालतं उच्चस्तरीय सम्पत्ति जाँचबुझ आयोग विरुद्ध लाःगु अवहेलना सम्बन्धी रिटय् अन्तरिम आदेश बिउगु दु । थ्व स्वयां न्ह्यः अदालतं बिउगु अन्तरिम आदेशया अपव्याख्या यासें आयोगं न्यायाधीश व सेना बाहेक मेपिनिगु सम्पत्ति छानबिन जारी जुइगु वक्तव्य जारी यायेवं अवहेलना रिट दर्ता जूगु खः । अधिवक्ता मणिराम उपाध्यायं दायर याःगु रिटयात कयाः सुनवाइ यासें न्यायाधीश नृपध्वज निरौलाया एकल इजलासं अन्तरिम आदेश बिउगु खः । आः सम्पत्ति बाँचबुझ आयोगं पूर्ण इजलासं मेगु फैसला मयाःतले सुयागु नं सम्पत्ति छानबिन यायेगु व विवरण फ्वने ज्या याये मदइगु जूगु दु ।