ने. सं. ११४६ दिल्लाथ्व दुतिया - जगन्नाथ रथयात्रा

गोलभ्यारा लँय् प्वंकाः विरोध

येँ (नेपालभाषा टाइम्स) – किसानतय्सं म्हिगः फिब्वख्यलय् गोलभ्यारा सतकय् वांछ्वयाः विरोध प्रदर्शन याःगु दु । सरकारं किसानतय्त माक्व अनुदान मबिउगु, उत्पादनया उचित भाः व बजाःया सुनिश्चितता यायेमफुगु व आयातमुखी नीतिया कारणं स्वदेशी किसान मारय् लाःगु धासें किसानत आन्दोलनय् कुहां वःगु खः । किसानतय्सं थःपिसं उत्पादन याःगु गोलभ्यारा मीमफुगु, तूगु भाः तकं उठे यायेत थाकूगु व सरकारं किसानया समस्या ज्यंकेत बेवास्ता याःगु द्वपं बिसें गोलभ्यारा लँय् ह्वलाः सरकारया कृषि नीतियात कयाः असन्तुष्टि प्वंकूगु खः ।