ने. सं. ११४४ ञलाथ्व नवमी -

रामपुरय् च्वलेचा विज्ञ एशिया क्षेत्रीय सम्मेलन जुइगु

येँ – च्वलेचा विज्ञतय् एशिया क्षेत्रीय सम्मेलनय् वइगु कात्तिक ३ गते निसें ६ गते तक रामपुरय् जुइगु जूगु दु । रामपुर स्थित कृषि तथा
वन विज्ञान विश्वविद्यालययं थ्व सम्मेलन यायेत्यंगु खः ।

विश्वविद्यालयं पत्रकार सम्मेलनयानाः बिउगु जानकारी कथं विश्वविद्यालयया पशु विज्ञान, पशु चिकित्सा व मत्य विज्ञान संकाय रामपुरया मू आयोजनाय् इन्टरनेशनल गोट एशोसियसन अमेरिकालिसेया सहकार्य व नेपाल सरकार, पशुपंक्षी विकास मन्त्रालय, पशु सेवा विभाग, हेफर इन्टरनेशनल नेपाल, नेपाल कृषि अनुसन्धान परिषद्, विश्वविद्यालय अनुदान आयोग, मिचिगन स्टेट युनिभर्सिटी अमेरिका व भारतीय कृषि अनुसन्धान परिषद् केन्द्र अन्तर्गतया च्वलेचा अनुसन्धान संस्थानया सह आयोजनाय् थ्व सम्मेलन जुइ ।

राष्ट्रिय व अन्तर्राष्ट्रिय वैज्ञानिक, अनुसन्धान निकाय, विश्वविद्यालय व थीथी संघसंस्था दथुइ वृहत संजाल तयार यायेत ग्वाहालि याइगु

सम्मेलन तयारी समितिया अध्यक्ष व विश्वविद्यालयया पशु विज्ञान, पशु चिकित्सा तथा मत्स्य विज्ञान संकायया डिन प्रा. डा शारदा थपलियां सम्मेलनं च्वलेचा लहीगु क्षेत्रय् थुकिया उत्पादन, उत्पादकत्व व गुणस्तर वृद्धिया निंतिं विविध प्रविधियुक्त आधुनिक खोजमुलक जानकारी सम्प्रेसन याइगु, राष्ट्रिय व अन्तर्राष्ट्रिय स्तरय् थ्व क्षेत्रय् कार्यरत वैज्ञानिक, अनुसन्धान निकाय, विश्वविद्यालय व सरकारी गैरसरकारी संघसंस्था दथुइ वृहत संजाल तयार यायेत ग्वाहालि याइगु खँ धयादिल ।