शेयर बजाः दोहोरो अंकं थहां वन

येँ – शेयर बजाः म्हिगः दोहोरो अंकं थहां वंगु दु । म्हिगः जीवन बिमा व निर्जीवन बिमाया निगुलिं पुचःया अंकं स्वंगूगु अंकं थहां वनेवं नेप्से परिसूचक नं थहां वंगु खः । म्हिगः जीवन बिमा ४४३ अंकं थहां वंगु खःसा निर्जीवन बिमा २४५ अंकं थहां वंगु खः । नेपाल स्टक एक्सचेन्जया कथं म्हिगः कारोबार मापक नेप्से परिसूचक ३० दशमलव २६ विन्दुं थहां वनाः १२१६ दशमलव २७ विन्दुइ थ्यंगु खः ।

अथेहे ‘क’ वर्गया कम्पनीया कारोबार मापन याइगु सेन्सेटिभ परिसूचक समेत म्हिगः ६ दशमलव ४१ विन्दुं थहां वनाः २५८.८२ विन्दुइ थ्यंगु दु । प्रतिशतया आधारय् म्हिगः बजाः २ दशमलव ५५ विन्दुं थहां वंगु खः । सरकारं गठन याःगु पुँजीबजाः सम्बन्धी कार्यदलं बिउगु प्रतिवेदन कार्यान्वयन प्रक्रिया न्ह्याःगु कारणं शेयर बजाः नं उच्च अंकं थहां वंगु अनुमान यानातःगु दु ।

अर्थमन्त्री डा. युवराज खतिवडां नेपाल राष्ट्र बैंकया डेपुटी गर्भनर शिवराज श्रेष्ठया संयोजकत्वय् कार्यदल गठन याःगु खः । उगु कार्यदलं छुं न्हिं न्ह्यः जक प्रतिवेदन लःल्हाःगु खः । उगु हे प्रतिवेदन कार्यान्वयनया प्रक्रिया नेपाल राष्ट्र बैंकं न्ह्याकूगु खः । प्रतिवेदन कार्यान्वयन प्रक्रिया शुरु जुइवं बजारय् उकिया सकारात्मक प्रभाव लाःगु खँ धाःगु दु ।

नेप्सेया कथं म्हिगः मुक्कं १७३ कम्पनीया १९ लाख कित्ता शेयर ६९ करोड २६ लाख तकां न्यायेमीगु ज्या जूगु खः । म्हिगः कारोबार जूगु फुक्कं उपसमूह शेयर थहां वंगु खः । म्हिगः बैकिङ १८ दशमलव ५४, व्यापार १३ दशमलव ६९, होटल ६५ दशमलव ६२, विकास बैंक २० दशमलव ६९, जलविद्युत १९ दशमलव ३४, वित्त ८ दशमलव १२, निर्जीवन बिमा २४५ दशमलव ०६, उत्पादन १९ दशमलव २, अन्य १५ दशमलव ८७, माइक्रो फाइनान्स ५० दशमलव २१ व जीवन बिमा ४४३ दशमलव ५ विन्दुं थहां वंगु खः ।

सम्बन्धित बुखँ

LEAVE YOUR COMMENTS