ब्राजिलं नेयमारयात कप्तानं चिइकल

कोपा अमेरिका म्हितीगु ब्राजिलया राष्ट्रिय टिमं नेयमारयात कप्तानं चिइकूगु दु । ब्राजिलया प्रशिक्षक टिटें नेयमारयात रुस विश्वकप धुंकाः कप्तान दयेकूगु खःसा नेयमार खेल मैदानय् बांमलागु व्यवहारया कारणं चिइकूगु खः। प्रशिक्षक टिटें अनुशासनहिन ज्या याःगु धासें नेयमारयात कप्तानीं चिइकूगु जानकारी बिउगु खः ।

पिएसजीया कासामि नेयमारयात फ्रेन्च फुटबल अनुशासनहिन ज्या याःगुलि स्वंगू कासाया निंतिं प्रतिबन्ध याःगु खः । प्रशिक्षणया झ्वलय् नेयमार घाःपाः नं जूगु दु ।टिटें आः कप्तानीया जिम्मेवारी ड्यानिल अल्भेसयात बिउगु दु । अल्भेस न्हापा नं ब्राजिलया कप्तान जुइ धुंकूम्ह खः ।

आल्भेस ब्राजिलपाखें १३८ गू कासा म्हितेधुंकूगु दु । नेयमार व आल्भेस निम्हं फ्रेन्च क्लब पिएसजीया कासामि खः । कोपा अमेरिका जुन १४ निसें जुलाइ ७ तक ब्राजिलय् जुइत्यंगु दु । ब्राजिल कोपा अमेरिकाया समूह ‘ए’य् दु । ब्राजिलया समूहय् पेरु, भेनेजुएला व बोलिभिया दु ।

सम्बन्धित बुखँ

LEAVE YOUR COMMENTS