गोपालमान श्रेष्ठयात थौं अन्तिम श्रद्धाञ्जली बीगु

येँ (नेपालभाषा टाइम्स) – नेपाली कांग्रेसया वरिष्ठ नेता गोपालमान श्रेष्ठ म्हिगः मंत । यलया जाह्वलाख्यःस्थित हेलिअस अस्पतालय् वासः याकुयाकुं श्रेष्ठ मदुगु खः । मदुम्ह श्रेष्ठयात अन्तिम श्रद्धाञ्जली बीगु निंतिं थौं सुथय् ८ जबे निसें ११ बजे तक पार्टी ज्याकू सानेपाय् तइगु जानकारी पार्टी ज्याकूया मुख्यसचिव कृष्णप्रसाद दुवालं बियादीगु दु । स्याङ्जां तःक्वःतक सांसद जुयादीम्ह श्रेष्ठं भौतिक योजना तथा निर्माण मन्त्री, वन तथा भूसंरक्षण मन्त्री, उद्योग मन्त्री व शिक्षा मन्त्रीया जिम्मेवारी कःघायेधुंकूगु दु । २०१७ सालंनिसे विद्यार्थी राजनीति यानादीम्ह श्रेष्ठ प्रजातान्त्रिक आन्दोलनय् सक्रिय रुपं ब्वति कयादीगु खः । मदुम्ह श्रेष्ठया स्वम्ह काय व खुम्ह म्ह्याय् दु ।