छगू हे इभेन्टय् निम्हेसित स्वर्ण
एजेन्सी- जापानया टोकियोय् जुयाच्वंगु ओलम्पिक अन्तर्गत जूगु मिजंपाखेया हाइजम्प कासाय् निम्ह कासामिं स्वर्ण पदक इनाकायेमाःगु दु । कतारया कासामि एसा बार्शिम व इटालीया कासामिं स्वर्ण इनाकाःगु खः । हाइजम्प कासाय् निम्हं कासामिं बराबरी म्हितेवं निम्हेसितं स्वर्ण पदक बिउगु खः ।
यंमथ्यं निघौतक जूगु थ्व धेंधेंबल्लाखय् निम्ह कासामिं २.३७ मिटरया उचाइ पार याःगु खः। कासाय् स्वकःतक निम्ह कासामिं २.३७ सिबें अप्वः उचाइ पार यायेत स्वःसा यायेमफयेवं अफिसियलतय्सं निम्हं कासामिलिसे खँ ल्हानाः निम्हेसितं स्वर्ण पदक बिइगु क्वःछिउगु खः । सन् १९९२ लिपा न्हापांखुसी थथे पदक इनाकाःगु खः ।
टोकियो ओलम्पिकय् चीन २४ स्वर्ण, १५ रजत व १४ कास्य सहित शीर्ष थासय् दु । निगूगु थासय् दुगु अमेरिकायाके २० स्वर्ण, २४ रजत व १६ कास्य दुसा स्वंगूगु थासय् दुगु जापानयाके १७ स्वर्ण, ५ रजत व ९ कास्य दु ।
LEAVE YOUR COMMENTS