युएईनाप म्हितेत बन्द प्रशिक्षण सुरु

येँ – संयुक्त अरब इमिरेट्स (युएई)लिसे एकदिवसीय व ट्२ि० सिरिज श्रृंखला म्हितेगु निंतिं नेपाली राष्ट्रिय क्रिकेट टिमया बन्द प्रशिक्षण सुरु जूगु दु ।

बन्द प्रशिक्षणय् कप्तान पारस खड्का लिसें बसन्त रेग्मी, भीम सार्की, अविनाश बोहरा, विक्रम सोब, विनोद भण्डारी, दीपेन्द्र सिंह ऐरी, ज्ञानेन्द्र मल्ल, ललित भण्डारी, ललितनारायण राजवंशी, आरिफ शेख, पवन शर्राफ, प्रदीप ऐरी, रोहितकुमार पौडेल, सन्दीप लामिछाने, शरद भेषावकर, सोमपाल कामी, सन्दीप जोरा व सुशन भारीयात दुथ्याकूगु खँ राष्ट्रिय क्रिकेटया प्रशिक्षक जगत टमाटां धयादीगु दु ।

बन्दी प्रशिक्षणय् दुथ्याःसां कप्तान खड्का व दीपेन्द्र सिंह ऐरी अष्ट्रेलियाय् लानाच्वंगुलिं प्रशिक्षणय् सहभागी मजूनि ।बन्द प्रशिक्षण कीर्तिपुरय् च्वंगु अन्तर्राष्ट्रिय क्रिकेट मैदानय् बुधवाः निसें सुरु जूगु खः । थ्व कासा वइगु माघ ११ गते निसें २० गते तक युएइ हे जुइ ।

थ्व श्रृंखलाय् नेपालं युएइलिसे स्वंगू एकदिवसीय व स्वंगू ट्–ि२० कासा म्हिती । न्हापांगु एकदिवसीय माघ ११ गते जुइसा थ्व धुंकाः माघ १२ व १४ गते निगू कासा जुइ । अथेहे माघ १७ गते न्हापांगु टि–२० कासा जुइसा माघ १८ व २० य् मेगु निगू कासा जुइ ।