ने. सं. ११४६ अनलागा सप्तमी -

कांग्रेसं थौं नं संसद चले याके मबीगु

येँ – प्रमुख विपक्षी नेपाली कांग्रेसं थौं नं संसदय् अवरोध याइगु जूगु दु । म्हिगः कार्य व्यवस्था परामर्श समितिया बैठकय् कांग्रेसं संसद अवरोध कायम जुइगु खँ धाःगु खः । थः नेतापिं गिरिजाप्रसाद कोइराला व सुशील कोइरालाया नामय् पलिस्था जूगु अस्पताल विघटन यायेत स्वःगु धासें कांग्रेसं लगातार संसद अवरुद्ध याना वयाच्वंगु दु । सरकारं हःगु चिकित्सा शिक्षा विधेयक विरुद्ध कांग्रेसं नाराबाजी यानाच्वंगु इलय् हे सरकारं विधेयक पारित याःगु खः । वयां लिपा सरकारं अस्पताल सञ्चालन यायेगु बारे कांग्रेसया माग सम्बोधन यानाः अस्पतालयात केन्द्र सरकार मातहत तयेगु निर्णय यायेधुंकूगु दु ।