चीहाः संकिपा कासाय् यौवनया ‘सहिद’ न्हाप

येँ- थुगुसी जूगु नेपालभाषा चीहाः संकिपा कासाय् योवन शाक्यं दयेकादीगु संकिपा ‘सहिद’ न्हाप लाःगु दु । अथे हे विज्ञान पाकःपाखें निर्देशन यानादीगु ‘कतिलाः पाकः’ लिउ लाःगु दुसा निर्देशक सौगातं दयेकादीगु ‘अतृप्त माया’ लियांलिउ लाःगु दु ।

शुक्रवाः किपुली जूगु साहित्य महोत्सवय् स्वंगुलिं चीहाः संकिपाया निर्मातापिंत सिरपाः लःल्हायेगु ज्या जूगु खः । न्हाप जूगु संकिपायात ७५,००० तका, लिउयात ५०,००० तका व लियांलिउयात २५,००० तका सिरपाः लाःगु खः ।

थुगुसी कोरोनाया कारणं स्वंगू जक संकिपा दुहां वःगु खःसा स्वंगू दथुइ हे धेंधेंबल्लाः यानागु खँ धेंधेंबल्लाः ग्वसाः खलःया दुजः पवित्र कसालं कनादीगु दु ।