माओवादीं छाय् लित मकाल ओलीप्रति समर्थन ?

येँ- सर्वोच्च अदालतया निर्णय कथं अल्पमतय् लायेधुंकूगु केपी ओलीया सरकारप्रति माओवादी केन्द्रं आः तक नं थःपिनिगु समर्थन लित मकाःगु कारण रणनीतिक जूगु खँ जसपाया कार्यकारिणी दुजः राजेन्द्र श्रेष्ठं कनादीगु दु ।

म्हिगः नेपालभाषा टाइम्सलिसे खँ ल्हासें नेता श्रेष्ठं छुं माओवादी केन्द्रं सरकारयात बियातःगु समर्थन लित काल धाःसा प्रधानमन्त्रीं विश्वासया मत कायेमालीगु अवस्था वयेफु, अज्याःगु इलय् प्रधानमन्त्रीं जालझेल यानाः जूसां विश्वासया मत ला काइ तर वयां लिपा वय्कलं हाकनं संसद भंग यायेफुगु खँ कनादिल । थुकथं भंग जुइगु संसद वैधानिक जुइ व वयां लिपा निर्वाचनय् वनेगु ओलीया योजना खः धासें थ्वहे खँयात थुइकाः माओवादी केन्द्र समर्थन लित मकायेगु रणनीति ज्वंगु खँ नं वय्कलं कनादिल ।

अथे हे समर्थन लित मकाःगु मेता कारण कांग्रेसं आः तक नं सरकार गठन बारे निर्णय मयाःगुलिं खः धासें वय्कलं मेगु सरकार गठन जुइगु विकल्प मदुतले माओवादी केन्द्रं समर्थन लित मकायेगु रणनीति ज्वनातःगु खँ नं कनादिल । नेपाली कांग्रेस, जसपा व माओवादी केन्द्र सरकार दयेकेगु निंतिं तयार जुल धाःसा समर्थन नं तुरुन्त लित काइगु खँ वय्कलं धयादीगु दु ।

सम्बन्धित बुखँ

LEAVE YOUR COMMENTS