मेलम्चीया न्हूगु भाका – स्वन्ति लिपा लः

येँ –  स्वनिगःया जनतायात लः त्वंकीगु बहुप्रतिक्षित मेलम्ची परियोजनां लः छ्वया हयेगु हानं मेगु भाका न्ह्यःने हःगु दु – स्वन्ति लिपा ।
लछि न्ह्यः तक थ्वहे वइगु मोहनि सिधयेवं लः त्वंकेगु खँ धाःगु खः । तर परियोजनाय् जुयाच्वंगु ज्या क्वमचाःगु जुयाः आः हानं स्वन्ति लिपा धइगु न्हूगु भाका न्ह्यःने हःगु खः ।

मेलम्ची परियोजनां धाः कथं थौंकन्हय् परियोजनाय् ज्या भचा याकनं जुयाच्वंगु दु । ठेकेदार इटालीयन कम्पनीलिसे जूगु आर्थिक विवाद मिलान जुइवं आः ज्या यायेगु गति अप्वयेकूगु खः । यदि थ्वहे गतिं ज्या न्ह्यानाच्वन धाःसा स्वन्ति लिपा लः त्वंके फइगु खँ परियोजनां धाःगु दु । परियोजनां स्वन्ति लिपा लः त्वंकेगु खँ धाःसां आः तक येँया गुलिखे थासय् मेलम्चीया पाइप लायेगु ज्या तकं सुरु मयाःनिगु खँ सीदुगु दु ।

सम्बन्धित बुखँ

LEAVE YOUR COMMENTS