मन्त्रिपरिषद्य् सुनसरी घटनाया खँ मजुल

येँ (नेपालभाषा टाइम्स) – सुनसरीया देवानगञ्ज गाउँपालिकाया कप्तानगञ्जय् जूगु घटनायात कयाः देय्न्यंकं तरङ ब्वलनाच्वंगु इलय् च्वंगु मन्त्रिपरिषदया बैठक थ्व घटनायात कयाः छुं नं खँ मवःगु खँय् राजनीतिक वृत्तं चिउताः प्वंकूगु । थ्व स्वयां न्ह्यः वंगु मंगलवाः प्रधानमन्त्री बालेन शाहं फेसबुकय् स्टाटस च्वयाः छुं सम्बोधन याःगु खः । तर म्हिगः च्वंगु मन्त्रिपरिषदया बैठकय् उगु घटनायात कयाः छुं हे खँ मजूगु सीदुगु दु ।
मन्त्रिपरिषदया बैठकया निर्णय न्यंकेत वःम्ह सरकारया प्रवक्ता सस्मित पोखरेलं म्हिगः धाःसा सञ्चारकर्मीतय्सं सुनसरीया घटनायात कयाः याःगु न्ह्यसःया लिसः मबिसे लिहांवंगु खः । मन्त्रिपरिषद्या बैठकय् थ्व बारे छुं हे खँ मजूगुलिं वय्कलं नाजवाफ जुयाः लिहां वनेमाःगु खः ।

नेपालभाषा टाइम्स

च्वमिया मेमेगु

• सैनिक अस्पतालयात वडाया पौ
• इरानय् अमेरिकाया न्हूगु आक्रमण
• फिफापाखें अर्जेन्टिना विरुद्ध अनुशासनया कारवाही शुरु
• सतक व सदन निथासं राजीनामा माग
• युक्रेन रुसया हमला जारी, थीथी थासय् जूगु आक्रमणय् च्याम्ह सित