इराकय् अमेरिका व साउदीया मंकाः हमला

एजेन्सी – अमेरिका व साउदी अरेबियां इराकय् मंकाः आक्रमण याःगु दु । थ्व हमलाय् इराकया पूर्व अर्धसैनिक गठबन्धनया झिम्ह दुजः सीगु धाःगु दु । इरानं मध्यपूर्वय् च्वंगु अमेरिकी शिविरय् ब्यास्टिक मिसाइल प्रहार याःगु धासें उकिया प्रतिक्रियाकथं अमेरिकां व साउदी अरेबियां इराकय् च्वंगु इरान समर्थित उग्रवादीतय्त लक्षित यासें हमला याःगु खः । आक्रमणय् झिम्ह मनू सीगु व यक्व हे मनू घाःपाः जूगु दु । तेहरानं थुकियात कयाः प्रतिक्रिया बिउगु मदुनि ।

अमेरिका व साउदीं मंकाः हमला याःगु अर्धसैनिक बल पपुलर मोबिलाइजेसन फोर्सं (पिएमएफ) छगू विज्ञिप्ति पिकासें हमलाय् तःधंगु भौतिक क्षति जूगु धाःगु दु । पिएमएफ जिहादीतलिसे ल्वायेगु निंतिं सन् २०१४ दयेकूगु अर्धसैनिक गठबन्धन खःसा थ्व संगठन आः वया इराकी सशस्त्र सेना लिसे एकीकृत जूगु खः ।

अमेरिका व इरानया दथुइ छुं न्हि न्ह्यःनिसें प्रत्यक्ष आक्रमण मजुयाच्वंगु खः । थ्व हे कारणं हाकनं वार्ता जुइगु सम्भावना खने दुगु खः । अमेरिकी राष्ट्रपति ट्रम्पं इरानलिसे मैत्रीपूर्ण खँल्हाबल्हा जुयाच्वंगु नं धाःगु खः । तर लिपांगु घटना लिपा हाकनं छक्व मध्यपूर्व युद्ध सुरु जुइगु खनेदयावःगु दु ।

नेपालभाषा टाइम्स

च्वमिया मेमेगु

• सैनिक अस्पतालयात वडाया पौ
• इरानय् अमेरिकाया न्हूगु आक्रमण
• फिफापाखें अर्जेन्टिना विरुद्ध अनुशासनया कारवाही शुरु
• सतक व सदन निथासं राजीनामा माग
• युक्रेन रुसया हमला जारी, थीथी थासय् जूगु आक्रमणय् च्याम्ह सित