ने. सं. ११४६ दिल्लागा पारू -

फिब्वख्यःया डुबान समस्या ज्यंकेत पहल

येँ (नेपालभाषा टाइम्स) – येँ महानगरपालिकां फिब्वख्यः क्षेत्रय् जुयाच्वंगु डुबानया समस्या ज्यंकेगु निंतिं म्हिगः निसें ज्या न्ह्याकूगु दु । येँ मनपां नेपाली सेनाया सैन्य परिवहन गण, थापाथली इन्जिनियरिङ क्याम्पस, राष्ट्रिय तथ्यांक ज्याकूथिइ दुगु पंगः चीकेत डोजर छ्यःगु दु । थ्व स्वयां न्ह्यः राष्ट्रिय विपद जोखिम न्यूनीकरण तथा व्यवस्थापन प्राधिकरणया प्रतिकार्य शाखा प्रमुख रामबहादुर केसीया संयोजकत्वय् दयेकूगु अध्ययन समितिं लः बहाः वनीगु थासय् चिधंगु धः जक दुगु व उगु धः सफा यायेत बिउगु खः ।