विमानय् मचा बुइकाः वांछ्वयाथकूम्हेसित ज्वन

भारतया छगू आन्तरिक उडानया झ्वलय् एयर एसियाया विमान दुने हे ट्वाइलेटय् मचा बुइकाः वांछ्वया थकूम्ह छम्ह मिसायात ज्वंगु दु । बिहिवाः गुवाहाटीं न्हूदिल्ली पाखे वनाच्वंगु उगु विमानया ट्वाइलेटय् नकतिनि बूम्ह मचा सिनाच्वंगु खनेवं विमान कर्मचारीतय्सं मिसापिं यात्रुतय्त न्यने कने यानास्वःगु खः ।

न्यने कनेया झ्वलय् उम्ह मिसां थःम्हं मचा बुइकागु स्वीकार याःगु खः । लिसें वं थः प्वाथय् दुगु हे थःम्हं मसिउगु बयान बिउगु खः ।
दिल्लीया वरिष्ठ प्रहरी अधिकारी सञ्जय भाटियां उम्ह मिसां विमानया ट्वालेटय् न्हयलात्या दुम्ह मचा बुइकाः ट्वाइलेटय् बँय् अथें त्वःता थकूगु खः ।

प्रहरी आः मचा सीगु कारण मालेत मचाया पोस्टमार्टम याकूगु दु । पोस्टमार्टम रिपोर्ट वयेधुंकाः आवश्यक कारवाही न्ह्याकेगु खँ प्रहरीं धाःगु दु । दक्षिण कोरियाय् तेक्वान्डो म्हितेत वनेत्यंम्ह उम्ह मिसायात धाःसा आः प्रहरी हिरासतय् तयातःगु दु ।