अमेरिकी अर्थमन्त्रीइ जेनेट बेलेन अनुमोदन

एजेन्सी – अमेरिकाया च्वय्या सदन सिनेटं राष्ट्रपति जो बाइडेनं अर्थमन्त्रीइ मनोनित याःम्ह जेनेट येलेनयात अनुमोदन याःगु दु। वय्कः अमेरिकाया अर्थमन्त्री जुयादीम्ह न्हापांम्ह मिसा नं जूगु दु। न्हूम्ह अर्थमन्त्री येलेनयात कोभिड १९ लिसे सम्बन्धित विशाल आर्थिक प्याकेज क्वय्या सदनकंग्रेसं अनुमोदन याकेगु तःधंगु चुनौती दु। राष्ट्रपति जो बोइडेनं कोभिड १९ या कारणं अमेरिकी अर्थतन्त्रय् लाःगु लिच्वः क्वपालेत १९ खर्ब डलरया आर्थिक प्याकेज हयातःगु दु । येलेनयात थ्व हे प्याकेज कंग्रेसं अनुमोदन याकेगु हाथ्या दुगु खः ।

येलेनं थ्वयां न्ह्यः अमेरिकी केन्द्रीय बैंकय् नं सन् २०१४ निसें २०१८ तक नेतृत्व यायेधुंकूगु दु। वय्कः केन्द्रीय बैंकया नेतृत्वय् थ्यंम्ह न्हापांम्ह मिसा
नं खः। अथेहे वय्कःयाके ह्वाइट हाउस आर्थिक सल्लाहकार परिषद्य् च्वनाः नं ज्या यानागु अनुभव दु। सिनेटया वित्त समितिइ सुनुवाइया झ्वलय्ये लेनं ब्याज दर तसकं कुहां वयाच्वंगुलिं बाइडेन प्रशासनं तःधंगु आर्थिक प्याकेज घोषणा याःगु सकारात्मक पलाः जूगु खँ धयादीगु खः । वय्कलं आः हे लगानी मयात धाःसा कोभिड १९ पाखें लाःवःगु आर्थिक चुनौति अझं व्याकप जुइगु व लिपा थुकिया सम्बोधन यायेमाल धाःसा झन अप्वः खर्च जुइगु खँ धयादीगु खः ।

सुनुवाइया झ्वलय् सिनेटया वित्त समितिया अध्यक्ष सिनेटर रोन वाइडेनं अर्थमन्त्रीइ प्रस्तावित येलेन प्रतिभाशाली अर्थशास्त्री जूगु खँ धासें आःया स्थितिइ अर्थ मन्त्रालयया जिम्मेवारी कायेत वय्कः उपयुक्त व योग्य मनू खः धयादीगु दु ।

सम्बन्धित बुखँ

LEAVE YOUR COMMENTS