महंगी विरुद्ध तरुण दल

येँ – प्रमुख विपक्षी दल नेपाली कांग्रेसया युवा संगठन तरुण दलं सरकार विरुद्ध म्हिगः प्रदर्शन यात । तरुण दलया नेता कार्यकर्तां रत्नपार्क शान्तिवाटिकाय् मुनाः सरकार विरुद्ध प्रदर्शन याःगु खः । प्रदर्शनया झ्वलय् तरुण दलया कार्यकर्तातय्सं थिकेगु बेसाःभाः व प्रेस स्वतन्त्रता हनन जूगु धासें प्लेकार्ड सहित नाराबाजी याःगु खः । लिसें खोक्रो राष्ट्रवादी नारा बियाः जनतायात झंगः लाःगुलिं थ्व प्रदर्शन यायेमाःगु खँ तरुण दलया अध्यक्ष जितजंग बस्नेतं कनादीगु दु ।