दरवार स्कूल विवादय्

येँ -थनया दरवार हाईस्कुलया नक्सा पास यायेगु सम्बन्धय् येँ महानगरपालिका व पुरातत्व विभाग दथुइ विवाद सुरु जूगु दु । शिक्षा मन्त्री गिरिराजमणि पोखरेलं पुरातत्व व मनपायात विवाद याकनं ज्यंकेत निर्देशन बियादीगु दु ।

म्हिगः छगू ज्याझ्वलय् न्ववासें वय्कलं दरवार हाइस्कुल पुलांगु खः, थ्व स्कुल मेगु स्कुल स्वयां बिस्कं व आकर्षण जुइमाः उकथं हे निर्माणया ज्या नं न्ह्याकेमाः धकाः निर्देशन बियादिल । उगु हे ज्याझ्वलय् न्ववासें मनपाया कार्यकारी अधिकृत यादवप्रसाद कोइरालां छवाःया दुने दरवार स्कुलया नक्सा पास जुइगु खँ कनादिल ।