प्रा. धूपरत्नयात मूलचक्रेश्वराभिषेक

येँ – बज्रयान बौद्ध निकाय अन्तर्गत येँदेय्या झिंच्यागू मूल महा विहार (बाहाः)त मध्येया दकलय् थँजिगु महास्थविर मूलचक्रेश्वर (देथाय्पा) पदय् च्वनाबिज्याःम्ह् मैत्रीपूर महा विहार (क्वाःबाहाः)या चक्रेश्वर प्रा. धूपरत्न बज्राचार्यया “मूलचक्रेश्वराभिषेक”(देथाय्पा लुयेगु) ज्याझ्वः म्हीग विधिपूर्वक जुल ।

प्रा.डा. नरेशमान बज्राचार्यपाखें स्वस्तिवाचन ब्वँसे राजगुरुजु मञ्जुश्रीरत्न वज्राचार्यपाखें कलशाभिषेक, मुकुटाभिषेक, वज्राभिषेक, घण्टाभिषेक, नामाभिषेक व छत्राभिषेक आदि अभिषेक बियाः मूलचक्रेश्वर (देथाय्पा) यात अभिषेक बियादीगु ।

मूलचक्रेश्वराभिषेक ज्याझ्वलय् झिंच्यागू मूलविहारया चक्रेश्वरपिं, झिगू बाहाः, झिंखुगू बहीया थाय्पापिं, यल, ख्वप, किपूया चक्रेश्वरपिं, थीथी संघसस्थाया दुजः, थीथी बौद्धविद्वानपिं, थीथी बौद्ध विश्वविद्या लयया प्राचार्य गुरुपिं नापं नापं बौद्ध व्यक्तित्वपिंसं भिंतुनापौ नं लःल्हाःगु ख ।