ने. सं. ११४३ तछलाथ्व त्रयोदशी -

चितवनया उवा संघया अध्यक्षय् प्रधान

उद्योग वाणिज्य संघ चितवनया अध्यक्षय् सहनलाल प्रधान निर्वाचित जुयादीगु दु । संघया ५१ क्वःगु साधारण सभा व ३७ क्वःगु तःमुँज्या भाजु प्रधानया नेतृत्वय् न्हूगु कार्यसमिति ल्यःगु खः । भाजु प्रधानं थः निकटम प्रतिद्वन्द्वी राजु श्रेष्ठयात ३४३ मतं पराजित यानादीगु खः । प्रधानया १४८९ मत वःगु खःसा श्रेष्ठ ११४६ मत वःगु खः । पदाधिकारीपाखे नं प्रधानया प्यानल हे त्याःगु खः ।

वरिष्ठ उपाध्यक्षय् चुननारायण श्रेष्ठ १६१९ मत हयाः विजय जुयादीगु दु । अथेहे वाणिज्य पाखेया उपाध्यक्षय् भोजराज कौडेल, उद्योगपाखेया उपाध्यक्षय् सुमनकुमार श्रेष्ठ, वस्तुगतपाखेया उपाध्यक्षय् चिरञ्जीवी सुवेदी त्याःगु खः । कार्यसमितिया सदस्यय् उद्योगपाखें अशोक अधिकारी, सोमप्रसाद काप्री, सिद्धार्थलाल चुके, कृष्णप्रसाद रिजाल, चन्द्रमणि सापकोटा, रोहितकुमार श्रेष्ठ त्याःगु खः । रिजाल छम्ह श्रेष्ठ प्यानलयाम्ह खः । वाणिज्यपाखे दुजलय् ईश्वरीप्रसाद खराल, राजेन्द्र ओली, ज्ञानुप्रसाद न्यौपाने, लक्ष्मी रिमाल पौडेल, तारानाथ पाठक, थिरप्रसाद धिताल त्याःगु दु । धिताल नं श्रेष्ठ प्यानलयाम्ह हे खः ।

अथेहे वस्तुगतपाखे शिव ओझा, विकास थापा, दीपक पौडेल, किरण खना त्याःगु दु । मिसापिं सदस्यय् रजनी मास्के त्याःगु दु । यमबहादुर विक, शिरिष पन्त व रेशमलाल आचार्य धाःसा निर्विरोध त्याःगु खः ।