गभर्नर बर्खास्तया निर्णय खारेज

येँ – निलम्बित गभर्नर महाप्रसाद अधिकारीं दायर याःगु रिटय् सर्वोच्च अदालतं अल्पकालीन अन्तरिम आदेश बिउगु दु । न्यायाधीश हरिप्रसाद फुयालया एकल इजलासं गभर्नर अधिकारीयात निलम्बन यायेगु सरकारया निर्णय मेगु आदेश मवःतले कार्यान्वयन मयायेत आदेश बिउगु खः । उकथं हे सर्वोच्चं थ्वहे वैशाख १३ गते सहलहया नितिं निगुलिं पक्षयात सःतूगु दु ।

वंगु चैत २४ गते मन्त्रिपरिषदं गभर्नर विरुद्ध सर्वोच्च अदालतया पुलांम्ह न्यायाधीश पुरुषोत्तम भण्डारीया अध्यक्षताय् जाँचबुझ समिति नीस्वनेवं अधिकारी स्वतः निलम्बनय् लाःगु खः । थःगु निलम्बन विरुद्ध सर्वोच्चय् वंम्ह अधिकारीं थः विरुद्ध जाँचबुझ यायेत गठन याःगु समितिया ज्या पनेत व थःत नियमित ज्याय् लिहां वनेत अन्तरिम आदेश जारी याये माल धकाः माग याःगु खः ।