इरानय् सरकार विरोधी प्रदर्शनकारीयात मृत्युदण्ड
तेहरान – इरानय् सरकार विरुद्ध प्रदर्शन याःपिं निम्हेसित मुत्युदण्ड बीगु घोषणा याःगु दु । इरानया छगू अदालतं मंगलवाः उगु घोषणा याःगु खः । वंगु जनवरी महिनाय् सरकार विरुद्ध प्रदर्शन याःपिं निम्हेसित मृत्युदण्डया सजाय बीगु अदालतं पैmसला याःगु खः ।
इरानया न्यायपालिकाया मिजान अनलाइन वेबसाइटयाकथं अबोल्फजल सिपाही व अमिर हुसेन सफारीयात मृत्युदण्डया सजाय बीगु फैसला याःगु खःसा मंगलवाः सुथय् उगु फैसला कार्यान्वयन नं यायेधुंकूगु दु ।
मेहर समाचार एजेन्सीया छगू रिपोर्टकथं इपिं निम्हेसितं मध्य इस्फाहन प्रान्तया मालेक्षहर सहरया छगू चोकय् आपालं मनूतय् दथुइ इमित फाँसी बिउगु खः । मृत्युदण्ड बिउपिं निम्हेसितं वंगु जनवरी ८ तारिखय् प्रहरी अधिकारीतय्त छुरां तियाः आक्रमण याःगु, इमिसं प्रहरीयात चिना लुत्तु लुयायंकूगु , पेट्रोल लुनाः मि तया बिउगु द्वपनय् दोषी द्वपं ठहर याःगु मिजान अनलाइनं न्ह्यथंगु दु ।
अथे हे इमिसं ल्वाभः क्यनाः डर, त्रास व आतंक न्यंकाः देय्या सार्वजनिक व्यवस्था व सुरक्षायात गम्भीर रुप स्यंकेगु ज्या याःगु द्वपं नं बियातःगु खः । थगुने डिसेम्बरया अन्त्यय् जूगु विरोधया आन्दोलन तच्वया वंगु खःसा अबलय् तीव्र गतिं न्यना वंगु सरकार विरोधी प्रदर्शन जनवरी ८ व ९ पाखे चरम सीमा थ्यंगु खः ।
LEAVE YOUR COMMENTS