गोवाय् दछिया लछि जक खने दइगु गां

भारतया पश्चिमी राज्य गोवाय् च्वंगु छगू गां दछिया छक्वः जक खने दइसा मेगु झिंछला लखय् दुनाच्वनी । थनं बसाइ सरे जूपिं स्थानीय बासिन्दात लखं पिने लाइ लछि थःपिनि थातथलोय् वनाः लछियंकं लसता हना न्ह्यइपुकी ।भारतया पश्चिमी घाटय् निगू पहाडया दथुइ लाःगु कुर्डी गांया दथुं सलाउलिम खुसि न्ह्याइ ।

गुगुं इलय् थ्व दक्षिणपूर्वी गोवाया छगू जीवन्त गां जुयाच्वंगु खः । कुर्डीया बासिन्दापिनि धापूकथं थनया अस्तित्व सन् १९८६ स दुनावन ।
राज्यं दयेकूगु न्हूगु बाँधया कारणं कुर्डी गां पूर्णरुपं लखय् दुनावन । तर, दछिया मे महिनाय् छक्वः धाःसा लःया सतह घटे जुइ, गुकिं गांया भग्नावशेष खनेदइ ।

चिरबायाच्वंगु बँ, सिमाया थुचा उगु गांया छेँ व धार्मिक संरचनाया अवशेष, पुलांगु घरेलु ज्वलं व थाय्थासय् लः मुनाच्वंगु बँ खनेदइ ।
लगभग स्वद्वः जनसंख्या दुगु उगु गांया उर्वर भूमि नं खः । वाया नापं नैंक्या, काजु व अँथें जाःगु सिसाबुसा पीगु ज्या थनया बासिन्दापिंसं याना वयाच्वंगु खः ।

थुगु गामय् हिन्दू, मुस्मां व इसाई धर्मावलम्बीपिं च्वनेगु याना वयाच्वंगु खः । तर सन् १९६१ स गोवा पोर्चुगलपाखें मुक्त जुइधुंकाः धाःसा यक्व हे हिलासु वल ।स्वतन्त्र जुइधुंकाः गोवाया न्हापांम्ह मुख्यमन्त्री दयानन्द बान्दोडकरं कुर्डीया भ्रमण यानाः राज्यया न्हापांगु बाँध दयेकेगु जानकारी बिल ।

दक्व स्थानीय बासिन्दापिंत सःताः उगु परियोजनापाखें दक्वसित लाभान्वित जुइ खँ न्ह्यथन । गां पूर्णरुपं डुबे जुइगु जूसां थःपिनिगु त्यागं बृहत्तर हित जुइगु जानकारी बिउगु खँ उगु छलफलया छुं भचा लुमन्ति दुगु खँ ७५ दँया गजानन कुर्डीकरं न्ह्यथनादिल ।

 

सम्बन्धित बुखँ

LEAVE YOUR COMMENTS