
एजेन्सी- युक्रेनया आवासीय शहर सुमीइ रुसं याःगु हवाइ आक्रमणय् लानाः २२ म्ह सर्वसाधारण सीगु बिबिसिं धाःगु दु । सुमी लागाया प्रशासक दिमित्रो झिभित्सकीया कथं रुसं आवासीय लागाय् बहनी याःगु हवाइ बम आक्रमणय् लानाः स्वम्ह मस्तलिसें २२ म्ह सीगु जानकारी बिउगु दु । प्रशासक दिमित्रों बिउगु जानकारीकथं चान्हय् रुसं उगु लागाय् स्वंगः बम कुर्कूगु खः । थुकियात प्रशासनं सामूहिक हत्याया संज्ञा बिउगु दु ।
रुस व युक्रेनया दथुइ युद्ध जुयाच्वंगु निवाः पुलेधुंकूगु दु । युक्रेनया राष्ट्रपति भोलोदिमिर जेलेन्स्कीं रुसलिसे जंगल, मैदान व समुद्री तटय् युद्ध जारी जुयाच्वंगु धाःगु दु । अथेहे रुसयात अर्थिक रुपं कमजोर यायेत अमेरिका व बेलायतं रुसं उत्पादन जुइगु चिंकयात प्रतिबन्ध तःगु दु ।
अथेहे विश्वया नांजाःगु कम्पनीतय््सं नं रुसय् प्रतिबन्ध तयेगु दिकूगु मदुनिसा युद्धया कारणं युक्रेनं विस्थापित जूपिनिगु ल्याः नं २० लाखं पुलेधुंकूगु दु ।
थ्व दथुइ बिहिवाः रुसी विदेशमन्त्री सर्गेइ लाभ्रोभ व युक्रेनी समकक्षी दिमित्रो कुलेबाया दथुइ टर्कीइ वार्ता जुइत्यंगु दु ।
LEAVE YOUR COMMENTS