गणेशया छेँजः लिसे येँ मनपाया सहमति

येँ (नेपालभाषा टाइम्स) – वासः यायेगु झ्वलय् मदुगु गणेश नेपालीया घटनायात कयाः येँ महानगरपालिका व पीडित पक्ष दथुइ गुंगू बुँदे सहमति जूगु दु । जिल्ला प्रशासन कार्यालय जूगु सहमति कथं घटनाया छानबिन यायेत पुलांम्ह न्यायाधीशया संयोजकत्वय् स्वतन्त्र छानबिन समति नीस्वनेगु व उगु समितिं छवाःया दुने सरकारयात प्रतिवेदन पेश यायेगु खँ न्ह्यथनातःगु दु । घटना जूकुन्हु फिल्डय् खटे जूपिं येँ मनपाया कर्मचारीतय्त आःया निंतिं निलम्बन यायेगु, मदुम्ह नेपालीया जहानयात योग्यताया आधारय् येँ मनपां रोजगारी बीगु मचाया उच्च शिक्षाया निंतिं फुक्कं खर्च व्यवस्थापन यायेगु व कार्यपालिकाया वइगु बैठकं उचित राहत बीगु खँ नं सहमति जूगु दु ।

नेपालभाषा टाइम्स

च्वमिया मेमेगु

• होर्मुज जलमार्ग अनिश्चितकालया निंतिं बन्द
• रुसया चिकं प्रशोधन केन्द्रय् आक्रमण
• यल महानगरया छेँय् छेँय् स्वास्थ्य सेवा
• कवि नातिवज्रया लुमन्तिइ चिनाखँ ब्वनेज्या
• संविधान संशोधनया निंतिं जनजाति आयोगया २५ बुँदे प्रस्ताव