विद्यार्थीतय् त्यासा पुलाबीम्ह अर्बपति

अमेरिकाय् छम्ह अर्बपति व्यापारीं प्यसःम्ह विद्यार्थीतय् त्यासा पुलाबीगु घोषणा याःगु दु । जर्जिया छगू विश्वविद्यालयय् ग्राजुएसन याःपिं थुमित अर्बपति व्यापारी रोबर्ट फ्रेडरिक स्थिमं उपहार कथं उमिसं आखः ब्वनेत कयातःगु त्यासा फुक्क पुलाबीगु घोषणा याःगु खः ।

जर्जिया अश्वेत विद्यार्थीत अप्वः ब्वनीगु मोरहाउस कलेजय् जूगु ग्राजुएसन समारोहय् संवोधन यासें व्यापारी स्थिमं २०१९ या ब्याचया विद्यार्थीतय्त चकित यानाबिउगु खः । वय्कलं थुपिं विद्यार्थीतय् करिब प्यंगू करोड डलर पुलाबीगु बचं बियादीगु खः । ५६ दँया स्मिथ निजी लगानी कम्पनी भिस्टा इक्वीटी पार्टनर्सया संस्थापक खः ।

छुं दँ न्ह्यव तक अप्वःसिनं म्हमसिउम्ह अर्बपति व्यापारीया थ्व घोषणा सार्वजनिक मञ्चय् खनेदुगु छगू दुर्लभ घटना खः । स्मिथ थौंकन्हय् अमेरिकाया चर्चित अश्वेत परोपकारी खः । सफ्टवेयर कम्पनीइ केन्द्रीत भिस्टाया थौंकन्हय् कुल अनुमानति सम्पत्ति ४६ अर्ब डलर थ्यनेधुंकूग्ु दु । स्थिमया व्यक्तिगत सम्पत्ति जक न्यागू अर्ब डलर दु । थ्व ल्याखं स्मिथ अमेरिकाया हे दकलय् धनीम्ह अश्वेत नं खः ।