चीनं मेगु देसय् कोइलाय् आधारित परियोजना मदयेकीगु

एजेन्सी- चीनं मेगु देसय् कोइलाय् आधारित परियोजना मदयेकेगु घोषणा याःगु दु । मंगलवाः चीनया राष्ट्रपति सी जिनपिङं संयुक्त राष्ट्रसंघया महासभाय् थ्व घोषणा याःगु खः । राष्ट्रपति सी जिनपिङं जलवायु परिवर्तन म्हो यायेत थ्व पलाः ल्ह्वनागु धाःगु दु ।

राष्ट्रपति सी जिनपिङं विकासशील देय्तय्गु निंतिं हरित व न्यून कार्र्बन ऊर्जाया उत्पादनया निंतिं चीनं ग्वाहालि याइगु नं धाःगु दु । चीनं इन्डोनेसिया, भियतनाम व मेगु थीथी देय्तय्त कोइलाय् आधारित परियोजनाय् ग्वाहालि यानाच्वंगु दु ।

अमेरिकाया जलवायुदूत जो केरीं चीनया थ्व पलाःया लसकुस यासें चीनया पलाः सकारात्मक जूगु धाःगु दु । केरीं चीनलिसे थ्व विषययात कया वार्ता जुयाच्वंगु व चीनया थ्व घोषणां थः तसक लय्ताया धाःगु खः ।