साहित्यकारतलिसे गंल्वय् अभिमुखीकरण
ख्वप (नेपालभाषा टाइम्स) – समुदायय् आधारित गंल्वय् (क्षयरोग)या विषयय् साहित्यकारतय् निंतिं छगू अभिमुखीकरण ज्याझ्वः पर्यटकीय केन्द्र नगरकोटय् जुल । राष्ट्रिय क्षयरोग नियन्त्रण केन्द्र मध्यपुर थिमि व नेपाल क्षयरोग निवारण संस्था ख्वप जिल्ला शाखाया मंकाः ग्वसालय् जूगु खः ।
क्षयरोग निवारण संस्थाया अध्यक्ष हिरण्यप्रताप सांगामिया सभापतित्वय् जूगु अभिमुखीकरणय् जनस्वास्थ्य विषयय् दकलय् न्हापां विद्यावारिधी यानादीम्ह नापं नेपालभाषाया वरिष्ठ कवि डा. योगेन्द्र प्रधानं गंल्वय् न्यूनीकरण सम्बन्धय् ज्यापौ न्ह्यब्वयादीगु खः ।
ज्यापौ न्ह्यब्वयादिसें डा. प्रधानं स्वास्थ्य व ल्वय् बिस्कं खःसा जनस्वास्थ्य व चिकित्सा छगः ध्यबाया निगू ब्व खः धयादिल । गंल्वय् बारे ज्ञानवद्र्धक, जनचेतनामूलक जानकारी बियादिसें वय्कलं ल्वय् जुइधुंकाः वासः यायेगु स्वयां ल्वचं हे कयेक मबीगु व ल्वय्या की म्हसीकाः उकिया खोप वा मेगु वासः दयेके माःगु खँय् बः बियादिल ।
साहित्यकार नरेन्द्रभक्त हाडां उलेज्या यानादीगु अभिमुखीकरण महेन्द्रगोपाल कर्माचार्यं न्ह्याकादीगु खःसा ज्याझ्वलय् आपालं साहित्यकारतय् उपस्थिति दुगु खः ।
LEAVE YOUR COMMENTS