
यल- सः छगू फरक अभिव्यक्ति नांया साहित्यिक संस्थाया ग्वसालय् वंगु शनिवाः थनया इखालखु त्वालय् स्वम्ह च्वमिपिनि मंकाः चिबाखं मुँज्या जुल । ज्याझ्वलय् दिव्या ताम्राकार, रेणु श्रेष्ठ व ज्ञानीराजा मानन्धरं थःथःगु चिबाखं न्यंकादीगु खः ।
साहित्यकार सुधिर ख्वबिया सभापतित्वय् न्ह्याःगु ज्याझ्वलय् स्वम्हं च्वमिं थःपिनिगु न्यापु न्यापु चिबाखं ब्वनाः न्यंकादीगु खः । उगु चिबाखं मुँज्याय् नेपालभाषाया बाखं च्वमि राजा शाक्यलिसें कवि भगतदास श्रेष्ठ, मोक्षबहादु अमात्य, वंशीधर वज्राचार्य, विमलप्रभा वज्राचार्य लगायतया साहित्यकारपिनिगु नं उपस्थिति दुगु खः ।
चिबाखं ब्वनादीपिंत ज्याझ्वःया सभापति ख्वबिं लुमन्ति चिं लःल्हानादीगु खःसा ब्वति काःपिं मध्ये छम्हेसित नं मतिनाया चिं लःल्हायेगु झ्वलय् ९१ दँ दुम्ह माया महर्जनयात मतिनाया चिं लःल्हाःगु खः ।
LEAVE YOUR COMMENTS