‘एस’ सरकारयात एमाले समर्थन
येँ (नेपालभाषा टाइम्स)÷ नेकपा एमालें नेकपा एकीकृत समाजवादीपाखें सुदूरपश्चिम प्रदेशय् मुख्यमन्त्री जूम्ह दीर्घबहादुर सोडारीयात विश्वासया मत बीगु जूगु दु । मुख्यमन्त्री सोडारीयात विश्वासया मत बीगु तयारी जूगु एमालें सुदूरपश्चिम प्रदेशसभाया सचेतक निर्मलादेवी साउँदं कनादिल । वय्कःया कथं पार्टी केन्द्रं सोडारीयात विश्वासया मत बीत निर्देशन बीधुंकूगु दु । सोडारी कन्हय् विश्वासया मत काइगु ज्याझ्वः दु ।
वय्कलं पार्टी केन्द्रपाखें विश्वासया मत बीगु धकाः निर्देशन वःगुलिं आः थःपिंसं उखेथुखे मयायेगु धासें विश्वासया मत काइ कुन्हु फुक्कं प्रदेशसभा दुजःतय् बैठकय् उपस्थित जुइत निर्देशन बीधुनागु खँ नं कनादीगु दु ।
सोडारी वंगु वैशाख ६ गते एमाले व माओवादी सहितया समर्थनय् मुख्यमन्त्री नियुक्त जुयादीगु खः । वय्कलं वंगु वैशाख २१ व २२ गते विश्वासया मत कायेगु तयारी याःगु खःसां नं एमालें विश्वासया मत कायेत हथाय् मचायेत इनाप यायेवं विश्वासया मत कायेगु ज्या लिज्यां वंगु खः ।
LEAVE YOUR COMMENTS