यातायात भाः थकायेत माग यासें चक्रपथ बन्द

येँ – यातायात व्यवसायीतय्सं भाः थकायेमाःगु माग यासें म्हिगः चक्रपथय् सांकेतिक रुपं गाडी दिका प्रदर्शन याःगु दु । म्हिगः सुथय् ७ बजे निसें १० बजे तक चक्रपथया थीथी थासय् गाडी दिकाः प्रदर्शन याःगु खः । यातायात व्यवसायीया प्रदर्शनया कारणं आपालं यात्रुत लँय् दथुइ तुं थाःगु खः ।

यातायात व्यवस्था विभागं वंगु असार २९ गते निसें ताःहाकःगु व मध्यम दुरीइ चले जुइगु सवारीया साविकया भाडाय् २८ प्रतिशत थकाःगु खः । तर प्रदेश अन्तर्गतया जिल्लाय् स्थानीय रुटय् चले जुइगु सवारीइ धाःसा भाः थकाःगु मदुनि । थीथी प्रदेश लिसें बागमति प्रदेशय् नं भाः थमकाःगु धासें व्यवसायीतय्सं म्हिगः प्रदर्शन याःगु खः ।

थ्वहे झ्वलय् बागमति प्रदेशया भौतिक पूर्वाधार विकास मन्त्रालयं स्थानीय रुटय् चले जुइगु सवारीया भाः थकायेगु बारे गुगुं नं कथंया निर्णय मजूगु खँ धाःगु दु । तर यातायात व्यवसायी धाःसां थःपिसं हे लाथेपाथे भाडा कायेगु यानाच्वंगु दु ।

नेपालभाषा टाइम्स

च्वमिया मेमेगु

• ‘नुगः चफुना’ या म्यूजिक भिडियो पिदन
• नेपालभाषाया न्हूगु श्रृंखला वइगु
• एनपिएल ः जनकपुर व चितवन त्यात
• बौद्धविद्वान प्रजापतिया हना
• प्रधानमन्त्री ओलीया चीन भ्रमण, छुं न्हूगु सम्झौता मजुइगु