ने. सं. ११४४ कौलाथ्व पारू - नःलास्वनेगु

जापानय् अय्लाः लू वया

येँ (नेपालभाषा टाइम्स)- अतिकं लोकंह्वाःगु नेवाः म्ये ‘अय्लाः लू वया’ आः जापानय् नं थ्वइगु जूगु दु । थुगु म्येया गायक लिसें संगीतकार रोजमान महर्जन व गायिका निशा देशारं थ्वहे वइगु फेब्रुअरी १७ तारिख कुन्हु जापानय् जुइगु ज्याझ्वलय् थ्व म्ये हालीगु जूगु दु । जापानया ‘नेवाः इन्टरनेशनल फोरम जापान’ या नीदँ बुन्हिया लसताय् जुइगु विशेष ज्याझ्वलय् वय्कःपिंसं थ्व म्ये नं न्ह्यब्वयेत्यंगु खः । जापानया राजधानी टोकियोस्थित मेगुरो कुमिन सेन्टर हलय् वकुन्हु विशेष ज्याझ्वः याइगु ग्वसाः दु ।