ग्रामी अवार्ड २०२४ य् टेलर स्वीफ्ट उत्कृष्ट

एजेन्सी- सोमवाः जूगु ६६क्वःगु ग्रामी अवार्डय् टेलर स्वीफ्टं उत्कृष्ट एल्बमया अवार्ड त्याकूगु दु । स्वीफ्ट प्यक्वतक एल्बम अफ दं इयरया उपाधि त्याकूम्ह न्हापांम्ह संगीतकःमि जूगु दु । थ्वयां न्ह्यः स्टीभ वन्डर, पल सिमोन व फ्रान्क सिनात्रां स्वक्वः स्वक्वः थ्व उपाधि त्याकूगु दु । टेलर स्वीफ्टया मिडनाइटसं एल्बम अफ द इयरया उपाधि त्याकूगु खः । उपाधि कायेत मञ्चय् वःम्ह स्वीफ्टं उपाधि कायेधुंकाः मञ्चय् हे थःगु न्हूगु एल्बम द टर्डर्ड पोएट्स डिर्पामेन्टया नं घोषणा याःगु खः ।

ग्रामीइ बेस्ट पप सोलो व रेकर्ड्स अफ द इयरया उपाधि माइली साइरसयात फ्लावर्सया निंति, सङ अफ द इयर बिल्ली एलिसयात ह्वाट वाज आइ मेड फोरया निंतिं, बेस्ट न्यू आर्टिस्ट भिक्टोरिया मोनेटयात, बेस्ट पप ग्रुप एसजेडएयात, बेस्ट रक एल्बम पारामोरयात, बेस्ट पप डान्स काइली मिनोगयात, ¥यापपाखेया स्वंगुलि अवार्ड किलर माइकयात बिउगु खः । थुगुसीया ग्रामी अवार्ड मुक्कं ९४ विधा बिउगु खः । थुगसी अप्व धयाथें अवार्ड मिसा कलाकारतय्सं त्याकूगु दु ।

नेपालभाषा टाइम्स

च्वमिया मेमेगु

• झीगु सःया निसःब्व थ्यन, निम्ह संचारकःमि सम्मानित
• बालेनया जय जयकार सुनियोजित धइगु पुष्टि
• यँयाःयात झःझः धायेकीम्ह पुलुकिसि
• कन्हय् महाकविया किपा बग्गीइ तयाः चाःहीकीगु
• राजदूतया खँय् नेकां–एमाले ल्वापु