वज्राचार्य क्लबय् हाकनं सर्जु वज्राचार्य नायः

येँ (नेपालभाषा टाइम्स)÷ वज्राचार्य क्लबया प्यक्वःगु तःमुँज्या व न्हय्क्वःगु दँमुँज्या वंगु शनिवाः क्वचाल । मूपाहाँ उच्च अदालतया न्यायाधीश राज्यलक्ष्मी वज्राचार्यं उलेज्या यानादीगु उगु मुँज्यां क्लबया कार्यसमितिया न्हूधाः नं यायेगु ज्या जूगु खः।

ज्याझ्वलय् ललितपुर उद्योग वाणिज्य संघया नायः विश्वराज वज्राचार्य व सशस्त्र प्रहरी बलया एस.पि. समेनन्द वज्राचार्यपिंत विशेष कथं हनेज्या नं याःगु खः ।
अथे हे वंगु पंचदान कुन्हु सामूहिक पञ्चदान ज्याझ्वःपाखें मुंगु दां १,०१,१०१ तकाया चेक क्लबया नायः सर्जु वज्राचार्यं नेवाः छेँ दयेकेत नेवाः देय् दबूया नायः पवित्र वज्राचार्ययात लःल्हानादीगु खः ।

ज्याझ्वलय् लसकुस न्वचु डा. मनिसरत्न वज्राचार्य, वार्षिक प्रगति विवरण सृजन वज्राचार्य व आर्थिक प्रतिवेदन ज्ञानरत्न वज्राचार्यं न्ह्यब्वयादीगु खः ।
मुंज्यां वज्राचार्य क्लबया न्हूगु ज्यासना पुचः सर्वसम्मतं ल्यःगु दु । न्हूगु ज्यासना पुचलय् सर्जु वज्राचार्य हानं नायः जुयादीगु दुसा न्वकू सृजन वज्राचार्य, छ्याञ्जे अल्बर्ट वज्राचार्य, लिउछ्याञ्जे श्रद्धा वज्राचार्य, दांभरी मोनिशमानन्द वज्राचार्य, लिउदांभरी कुशल वज्राचार्य ल्यःगु दु । अथे हे सजन वज्राचार्य, बिजयराज वज्राचार्य, स्नेहा वज्राचार्य, आकाश वज्राचार्य व श्रीजा वज्राचार्यपिं दुजलय् ल्यःगु दु ।

नेपालभाषा मंका खलः छेँय् जूगु ज्याझ्वलय् प्रदेश सभाया सांसद शैलेन्द्रमान वज्राचार्य, न्हूदँ समारोह समितिया नायः प्रा.डा. नरेशमान वज्राचार्य, चर्यानृत्य गुरु यज्ञमानपति वज्राचार्य, प्रा.डा. हृदयरत्न वज्राचार्य लगायत थीथी ख्ययाःपिं प्रतिष्ठित वज्राचार्यपिं पाहांकथं ब्वति काःगु खः ।

नेपालभाषा टाइम्स

च्वमिया मेमेगु

• वतु त्वालय् दन्त शिविर
• पासा पुचः गुथि लन्दनया न्हूधाः
• ज्यापु समाजया निर्वतमान नायः तीर्थलालया अबु मंत
• ‘मौसम पूर्वानुमानयात गम्भीर रुपं मकाःगुलिं यक्व क्षति जूगु खः’ – वरिष्ठ माैसमविद् मणिरत्न शाक्य
• नखःचखःया दिं कायेत झीगु संस्कृतिया मौलिक परम्परा म्हसीकेमाल