न्हूदँया लसताय् विराटनगरय् मोटरसाइकल ¥याली

येँ- झी पुचः विराटनगरया ग्वसालय् नेपाल संवत् ११३९ कछलाथ्व पारुकुन्हु न्हूदँया लसताय् मोटरसाइकल ¥याली जुल । विराटनगरय् च्वंपिं नेवाःतय्सं नेपाल संवत्या प्रवर्तक शंखधर साख्वाःया झ्वाताय् माल्यार्पण यानाः मोटरसाइकल ¥याली न्ह्याकूगु खः ।

झी पुचः विराटनगरया ज्याकू दुगु थासं शुरु जूगु ¥याली विराटनगरया थीथी लागा चाःहिलाः हाकनं उगु हे थासय् वयाः ¥याली क्वचायेकूगु खः । मोटरसाइकल ¥यालीइ विराटनगरय् च्वना वयाच्वंपिं नेवाःत जक मखसे मेमेगु समुदाययापिंसं नं ब्वति काःगु खः ।

मोटरसाइकल ¥याली लिपा झी पुचः विराटनगर परिसरय् स्थापना याःगु नेवाः म्युजियमया उलेज्या संस्कृतिविद् सिर्जना प्रधानं यानादीगु खः । उगु संग्रहालयय् नेवाः समुदायया भाषिक, सांस्कृतिक, आर्थिक, सामाजिक व पहिचान सम्बन्धी वस्तु व कृति ब्वज्याय् तयेगु जानकारी बिउगु खः ।