ने. सं. ११४३ तछलाथ्व द्वादशी -

उदाय् च्वमिपिंत बीगु भिक्षु–हिरा सिरपाः

येँ – उदाय् समाजया थ्वहे शनिवाः जुइगु दँमुँज्याय् दकलय् न्हापां थुगुसी भिक्षु–हिरा साहित्य हना सिरपाः बीगु जूगु दु । उदाय् समाज दुनेया उदाय् साहित्यकारपिंत दँय्दसं बीगु थुगु सिरपाः अमेरिकाय् च्वनादीम्ह बाखं च्वमि केशरमान ताम्राकारपाखें थः अबु भिक्षुरत्न ताम्राकार व हिरादेवी ताम्राकारया नामं स्वनादीगु खः । थुकी झिद्वः तका दां लिसें हनापौ व दोसल्लां न्ययेकी ।