म्हपुजा व मन्दः म्हसीके ज्याझ्वः

येँ (नेपालभाषा टाइम्स)- न्ह्यःने वयाच्वंगु स्वन्ति नखःयात ध्यानय् तसें नेवाः मिसापिंत म्हपुजा व मन्दः म्हसीके ज्याझ्वः याइगु जूगु दु । शुक्रवाः नेपाल संवत् न्हूदँ राष्ट्रिय समारोह समिति ११४४ या मिसा उपसमितिपाखें थनया नेपाः ब्यांक्वेटय् वृहत मिसा भेला यासें उकी हे थ्व ज्याझ्वः नं यायेत्यंगु खः ।

न्हूदँया सांस्कृतिक ¥याली व भिंतुना सभाय् मिसा सहभागिताया नितिं दँय् दसं थें थुगुसी नं थुगु मिसा भेला यायेत्यनागु खँ मिसा उपसमितिया कजि नानीहेरा महर्जनं कनादीगु दु । वय्कलं न्हापा सिबें छुं भचा पाक्क थुगु दँय् मिसा भेला यायेत्यनागु खँ कँसें उगु भेलाय् नेवाः मिसापिंत म्हपुजा व मन्दःया महत्वबारे स्यनेकने यायेगु थ्व ज्याझ्वः नं यायेत्यनागु खँ वय्कलं कनादिल ।

नेवाः संस्कृतिइ म्हपुजाय् च्वइगु मन्दःया महत्व छु खः, थुकिया म्हसीका बीगु ज्या समारोह समितिया नायः प्रा.डा. नरेशमान बज्राचार्यं यानादी । थ्वया न्ह्यः नं नायः बज्राचार्यं थुकथं हे मिसा उपसमितिया ग्वसालय् पुजाभःया म्हसीका ज्याझ्वः न्ह्याकेधुंकूगु दु ।