उदाय् समाजपाखें कसाः छेँजःयात बिचाः हायेका

येँ – उदाय् समाजया नायः डा. रुपज्योति कसाः व प्रतिष्ठित उद्योगपति पद्मज्योति कसाःया मां लिसें मदुम्ह उद्योगपति मणिहर्ष ज्योति कसाःया जहान केशरीलक्ष्मी कसाः मदुगुली म्हिगः उदाय् समाजया ज्यासना पुचःपाखें जमलया वय्कःपिनिगु छेँय् वनाः बिचाः हायेकूगु दु ।

उगु इलय् उदाय् समाजया छ्यांज्ये अमरकाजी तुलाधरं बिचाःपौ ब्वनाः न्यंकादीगु खःसा न्वकु डा. प्रेमरत्न स्थापितं मदुम्हेसिया तःधीम्ह काय् पद्मज्योति कसाः व चीधीम्ह काय नापं उदाय् समाजया नायः डा.रुपज्योति कसाःयात लःल्हानादीगु खः ।