ने. सं. ११४४ कौलाथ्व एकादशी - चालं

ख्वपय् भदौ १३ गते गुंपुन्हि

ख्वप (नेपालभाषा टाइम्स)- थगुने थें थुगुसी नं गुंपुन्हि व सापारुया अन्यौल पिहां वःगु दु । थ्व अन्यौलया दथुइ गुलिस्यां आः वइगु २०८० सालया भदौ १३ गते गुंपुन्हि न्यायेकेगु धयाच्वंगु दुसा गुलिस्यां भदौ १४ गते न्यायेकेगु धयाच्वंगु दु ।

अधिकांश पात्रोय् भदौ १४ गते गुंपुन्हि न्यायेकाः भदौ १५ गते सापारु धकाः च्वयातःगु दु । थ्वहे झ्वलय् ख्वपय् तलेजुया पुजारी नापं च्वनाः म्हिगः भदौ १३ गते गुंपुन्हि व १४ गते सापारु न्यायेकेगु धकाः निर्णय याःगु दु । ख्वपया थीथी निकायया पदाधिकारीत च्वनाः विवादयात थुकथं ज्यंकेगु निर्णय याःगु खः ।