कोकाकोलाया चिल एण्ड विन योजना

येँ (नेपालभाषा टाइम्स)- कोकाकोला थ्व गर्मीया मौसमय् थः उपभोक्तातय् निंतिं उपहार त्याकेगु योजना न्ह्यःने हःगु दु ।

‘चिल एण्ड विन’ नामं हःगु थ्व योजना अन्तर्गत स्मार्टफोनया लिसें मोबाइल रिचार्ज त्याकेफइगु खँ धाःगु दु । कोकाकोला नेपालया थ्व आःतकया दकलय् तःधंगु प्रमोशन क्याम्पेन जूगु खँ धाःगु दु । थ्व योजना स्प्राइट व फ्यान्टाया पेट बोटलय् नं लागु जुइ ।

कोक, फान्टा, स्प्राइटया बोलय् दइगु कोड क्याम्पेनया वेबसाइट वा एसएमएसपाखें छ्वयाहल धाःसा न्हिं छगः स्मार्टफोनया लिसें ५०० तकाया रिचार्ज कार्ड त्याकेफइगु खँ धाःगु दु । उपभोक्तातय्सं थःगु पुरस्कार दावी याये अःपुकेगु निंतिं डिजिटल पेमेन्ट पार्टनर खल्तीलिसे सहकार्य यानाः खँ धासें कोकाकोला नेपालं विजेतातय्सं तुरुन्त हे त्याःगु रकम कायेफइगु खँ धाःगु दु । थ्व योजना असार ३० गते तक लागु जुइ ।