दक्षिण एशियाया हे तःधंगु सिमेन्ट उद्योग संचालन तयारी

येँ – दक्षिण धादिङ्गया बेनिघाट रोराङ गाउँपालिका २ तात्लीइ दक्षिण एशियाया हे दकलय् तःधंगु सिमेन्ट उद्योग संचालन यायेत अन्तिम तयारी जुयाच्वंगु दु । चिनियाँ कम्पनी ह्वाङसिं थ्व उद्योग चले यायेत्यंगु खः । प्रधानमन्त्री केपी ओलीया चीन भ्रमणया इलय् हे ह्वाङसि लिसे १५ अर्बया लगानीइ नेपालय् सिमेन्ट उद्योग चायेकेगु सहमति जूगु खः ।

थ्यंमथ्यं १४ अर्ब ८२ करोड ६० लाख कुल पुँजी दुगु ह्वाङसिं न्हिं ६० हजार बोरा सिमेन्ट उत्पादन यायेगु लक्ष्य तयातःगु दु ।विश्वया अत्याधुनिक सिमेन्ट प्रविधि पाखें सिमेन्ट उत्पादन जुइगु खँ उद्योगया सुचना अधिकारी तुलसीजङ्ग थापां धयादीगु दु । लिसें वय्कलं नेपालय् प्रत्यक्ष वैदेशिक लगानी याःगु थ्व आःतकया दकलय् तःधंगु कम्पनी जूगु खँ नं धयादीगु दु ।

थ्व उद्योगय् चिनियाँ कम्पनीया ८० प्रतिशत व नेपाली कम्पनीया २० प्रतिशत शेयर दइ । सिमेन्ट उद्योग संचालनय् वयेवं प्रत्यक्ष रुपं स्वःम्हेसित व अप्रत्यक्ष रुपं द्वःछिम्हेसित रोजगारी दइगु खँ धाःगु दु । उद्योग संचालनया निंतिं मलेखु निसें ताल्ती तक बिस्कं हे १० किलोमिटर सतक नं दयेकेगु तयारी जुयाच्वंगु दु । थ्व उद्योगय् दइगु कच्चा पदार्थं हे मत नं उत्पादन यायेगु लक्ष्य नं कम्पनीं तयातःगु दु । थ्व उद्योगया उत्पादन शिलान्यास फागुन १७ गते जुइत्यंगु दु ।

 

सम्बन्धित बुखँ

LEAVE YOUR COMMENTS