रियल मिया सि –५५ बजारय्

येँ (नेपालभाषा टाइम्स)- रियल मी स्मार्टफोनया सि सिरिजया दकलय् लिपांगु मोडल ‘सि–५५’ नेपाली बजारय् वःगु दु । थ्व मोबाइल स्टाइल व फंक्सनालिटी माःपिं ल्याय्म्ह पुस्ताय् लोकंह्वाइगु कम्पनीया दावी दु ।

थ्व मोबाइलय् दुगु ६४ एमपीया क्यामरा फ्लायसिप लेभलया ओभी६४बी सेन्सर छ्यलातःगु दु, अथेहे मोबाइलया सेल्फी क्यामराय् ८ एमपीया लेन्स दु, गुकिं १०८० पिक्सेलया भिडियो रेकर्ड यायेफइ ।

मोबाइलय् ५००० वाटया एमएचया शक्तिशाली ब्याट्रि दुसा थ्व चार्ज यायेत ३३ वाटया सुपरभोक चार्जिङ प्रविधि छ्यलातःगु दु, गुकिं २९ मिनेटय् हे बछिं मल्याक चार्ज जुइ । थ्व मोबाइलया छगू विशेषता धयागु ९० हर्जया फुल एचडी प्लस डिस्प्ले खः, अले थ्व मोबाइल एन्ड्रोइड फोनय् हे दकलय् न्हापां मिनी क्याप्सुल दुगु फोन खः । थ्व फोन मुक्कं ७.८९ एमएम जक फि दुगु स्लिम मोबाइल खः । थ्व फोन सन सावर व रेनी नाइट यानाः निगू आकर्षक रंगय् बजारय् वयाच्वंगु दु ।

६ जिबी प्लस ६४ जिबी स्टोरेज दुगु फोनया मू नेपाली बजारय् २१,९९९।– तका तूसा ८ जिबी प्लस १२८ जिबि स्टोरेज दुगु फोनया भाः २५,९९९।– तका तयातःगु दु ।