मातृभाषा दिवसय् साहित्यिक ज्याझ्वः

येँ(नेपालभाषा टाइम्स)- अन्तर्राष्ट्रिय मातृभाषा दिवसया लसताय् वंगु मंगलवाः थनया केल त्वालय् साहित्यिक ज्याझ्वः जुल । केल त्वाःया नेपाःमिया ग्वसालय् जूगु साहित्यिकलिसें सांगीतिक ज्याझ्वः नं न्ह्यब्वःगु खः ।

केल त्वाःया स्थानीय नापं नांजाःम्ह म्येँ हालामि व भाषा सेवी पवित्र कसां संयोजन यानादीगु ज्याझ्वःया उलेज्या येँ मपा २५ वडाअध्यक्ष राजेश डंगोलं यानादीगु खः ।

साहित्यिक ज्याझ्वलय् नेपालभाषा साहित्य ख्यःया नांजाःपिं साहित्यकारपिं डा. पुष्पराज राजकर्णिकार, राजभाई जकःमि, बद्री वेदना, पुष्परत्न ताम्राकार, नरेश अमात्य, धर्मराज राजकर्णिकार, राजा वज्राचार्य, सारा वज्र, अमृतरत्न शाक्य, अञ्जना ताम्राकार, रिता महर्जन, विमला मानन्धर, रमिता वज्राचार्य, जीवनदेवी कसाः, रेणु श्रेष्ठ, शैलेश शाक्य लगंबरे, विजयरत्न असंबरे, पालिजा खड्गीपिंसं थीथी साहित्यिक रचना पाठ यानादीगु खः ।

अथे हे ज्याझ्वलय् नांजाःम्ह म्येँ हालामि रिता महर्जन, गंगादेवी महर्जन, सुमित्रा महर्जनलिसें नेपालभाषाया रियालिटी शो ‘नेवाः आइडल’य टपटेनय् लाःपिं जितेन शाक्य, मञ्जिल शाक्य, सिल्भिया प्रजापतिपिंसं सांगीति प्रस्तुति बियादीगु खः ।