मुनासःया न्यय्दँ बुन्हि

येँ (नेपालभाषा टाइम्स)- मुनासः ५० दँय् क्यंगु लसता ज्याझ्वः म्हिगः किपुलिइ तःजिक ज्याझ्वः यासें हन । मुनासःया नायः श्रीराम श्रेष्ठया सभापतित्वय् जूगु ज्याझ्वःया उलेज्या यल मनपाया मेयर चिरिबाबु महर्जन, येँ मनपाया उपमेयर सुनिता डंगोल व किपू नपाया कार्यवाहक मेयर सुनिता शाक्य महर्जनं स्वप्वाः त्वाःदेवा च्याकाः मंकाः कथं यानादीगु खः ।

ख्यालि जुजु लिसें मुनासःया छ्यांज्ये मदनकृष्ण श्रेष्ठं लसकुस यानाः न्ह्याःगु ज्याझ्वलय् जनगायक भृगुराम श्रेष्ठ, जनकवि दुर्गालाल श्रेष्ठ व साहित्यकार पुष्प चित्रकारयात विशेष सम्मान याःगु खः ।

हे मुनासलं खुक्वः तक याःगु ख्यालः धेधेंबल्लाः कासाय् ब्वति काःपिं लेखक, निर्देशक व कलाकारपिंत लुमन्ति चिं लःल्हाःगु खः । ज्याझ्वलय् पाहांपिं हरिवंश आचार्य व प्रकाश साय्मिं भिन्तुना देछाःगु खः ।