मदुम्ह शाक्यया छेँजःयात ग्वाहालि

येँ (नेपालभाषा टाइम्स) – मदुम्ह पत्रकार विक्रम शाक्ययात कयाः वंगु शनिवाः अक्षेश्वर महाविहारय् छगू बिचाः मुज्या जूगु दु । बिचाः मुँज्याय्न्व वायेगु झ्वलय् नेवाः पत्रकार राष्ट्रिय दबूया नायः सुरजवीर वज्राचार्यं मदुम्ह शाक्य नेपालभाषा, साहित्य, संस्कृति व लिपिया विकासय् महत्वपूर्ण भूमिका म्हितुगु खँ धयादीगु दु । ज्याझ्वलय् नेवाः पत्रकार राष्ट्रिय दबूपाखें मदुम्ह शाक्यया छेँजःपिंत छगू लाख तका नगद नं ग्वाहालि याःगु खः । नायः वज्राचार्य व कोषाध्यक्ष सुरेन्द्रभक्त श्रेष्ठ मंकाः कथं उगु दां मदुम्ह पत्रकार शाक्यया कलाः धनलक्ष्मी शाक्ययात हस्तान्तरण याःगु खः ।