ने. सं. ११४६ अनलाथ्व पुन्हि -

लामिछानेयात एमालें समर्थन याइगु सम्भावना

येँ (नेपालभाषा टाइम्स)- वैशाख १० गते चितवनय्र जुइगु उपचुनावय् यदि रवि लामिछाने नं ल्वात धाःसा वय्कःयात नेकपा (एमालें) समर्थन याइगु सम्भावना ब्वलंगु दु । लामिछानें उम्मेदवारी बीगु क्षेत्रय् एमालें थः उम्मेदवार मथँसे वय्कःयात समर्थन याये फइगु खँ धाःगु दु । थुकिया लागिं एमालेया महासचिव शंकर पोखरेल थः हे सक्रिय जुयाच्वंगु खँ सूत्रं धाःगु दु । लामिछानेयात एमाले अध्यक्ष केपी ओलीया नं साथ दुसा उकी महासचिव शंकर पोखरेलया अझ तःधंगु समर्थन दुगु खँ धाःगु दु । पार्टी दुने लामिछानेयात पार्टीपाखें समर्थन याये माली धकाः शंखर पोखरेल थम्हं हे प्रस्ताव तये फुगु खँ नं सूत्रं धाःगु दु । पोखरेलं थ्व पार्टीइ छलफलया विषय जुइ धयादीधुंकूगु दु ।