थौं झिंगुक्वःगु ज्यापु दिवस

येँ(नेपालभाषा टाइम्स)-थौं थिंलाथ्वपुन्हि अर्थात यःमरि पुन्हि । यःमरि पुन्हिकुन्हु हना वयाच्वंगु ज्यापु दिवस थौं थीथी ज्याझ्वः यासें हनाच्वंगु दु । थुगुसी ज्यापु दिवसया संयोजनया भाला लगमय् च्वंगु गोफः त्वालं कयातःगु खः ।

दिवसया संयोजनया भाला कयातःकथं थौं गोफः त्वालं छगू सांस्कृतिक ¥याली पिथनाः येँया थीथी लागा चाःहिलाः वसन्तपुलिइ छगू समारोह याइगु जुयाच्वंगु दु । ज्यापु संस्कृति विकास कोषं बिउगु जानकारीकथं थौं सुथय् ७ ताः इलय् सांस्कृतिक ¥याली पिथनेगु व वयां लिपा वसन्तपुलिइ थ्यंकाः जुइगु समारोहय् मूपाहांकथं प्रधानमन्त्री शेरबहादुर देउवायात ब्वनातःगु दु ।

वसन्तपुलिइ जुइगु ज्याझ्वलय् समाजया थीथी ख्यलय् योगदान बियादीपिं थीथी व्यक्तित्वनापं संघसंस्थायात हनेगु व थीथी सिरपाः लःल्हाइगु कोषं जानकारी बिउगु दु । कोषया कुतलय् सांस्कृतिक अभियानया रुपय् वि.सं. २०६१ सालनिसें थीथी त्वालं भाला कयाः थ्व दिवस हनेगु याना वयाच्वंगु दु ।